Scuol è quasi stà il Mecca dal snowboard – là ha cumenzà la scena da snowboard l’onn 1986 cun l'emprima scola da snowboard en Europa. Cun ils frars Fadri e Clà Mosca, omadus campiuns mundials, è alura tut daventà anc pli enconuschent.
Jau na sun betg ì cun l’aissa per daventar enconuschent, quai è simplamain sa dà.
La vita sco profi
Dal 1993 enfin il 1999, suenter il gimnasi, ha el vivì la vita da profi, viagià per tut il mund enturn e ramassà bleras experientschas. Gia da quel temp trenavan ins la bun’ura, lura tranteren ina fasa da recreaziun e lura era enavant la saira. E radund 50 dis avant la stagiun da skis cumenzavan ins a trenar sin la naiv – in temp enorm intensiv ma era fitg bel.
Il 1998 suenter ils gieus olimpics a Nagano (Giapun), nua ch’el è crudà ora, ha Fadri Mosca lura smess sco profi.
Oz è Fadri Mosca scolast da la scola secundara a Scuol, maridà ed ha dus uffants. Il sport stat anc oz en il center tar sia famiglia – ma far ina carriera da profi sco quai ch’el ha gì – quai stat liber, quai sto mintgin decider sasez.
RTR actualitad 07:00