La radunanza communala da la Val Müstair ha approvà il quint da la vischnanca per l'onn 2015. Il quint mussa in gudogn da radund 117'000 francs empè dad in deficit da radund 430'000 francs sco budgetà. Quai surtut pervia ch'i ha dà dapli entradas. Il quint annual serra cun entradas da 14.5 milliuns francs ed expensas da prest 14.4 milliuns.
PEM e Center da sandà cun deficits
La radunanza communala ha era approvà ils quints dal Provedimaint electric Val Müstair (PEM) e dal Center da sandà Val Müstair che serran mintgin cun in deficit. Tar il PEM datti per l'onn 2015 in deficit da passa 340'000 francs tar expensas da radund 3 milliuns francs. Il center da sandà Val Müstair ha gì expensas da passa 7.5 milliuns francs. Il quint serra cun in deficit da radund 280'000 francs. Quai è en il rom dal onn precedent.
En pli ha la radunanza communala approvà 2 credits per projects forestals per radund 1.6 milliuns francs.
RR novitads 06:00