Engiadina - Piz Badile - lieu da naschientscha da la sola da Vibram
150 onns primascensiun sin il Piz Badile festivescha la Val Bregaglia dals 14 fin ils 16 da fanadur. In coloss da granit cun bleras istorgias, oravant tut quella da la sola da Vibram.
Il “pizzo Badile” il lieu da naschientscha da la sola da Vibram
03:10 min, ord Novitads dals 14.07.2017.
laschar ir. Durada: 3 minutas 10 Secundas.
La sola da Vibram, quella cun il punct mellen entamez, è enconuschenta sin quasi tut il mund. Naschida è la sola da Vibram èn la Val Bregaglia l'onn 1937.
Vitale Bramani il fundatur
Vitale Bramani èra in alpinist passiunà. L'onn 1935 han el e ses cumpogns empruvà da rampignar si da la paraid dal nordvest dal Piz Badile. Trid’aura ha chaschunà ina disgrazia, sis umens èn morts.
Vitale Bramani ha gì fortuna. El è silsuenter turnà ed ha cumenzà a tschertgar ina soluziun per ina buna sola da chalzers. Ina collavuraziun cun la firma Pirelli ha manà al success.
1 / 7
Legenda:
Il Piz Badile cun la paraid vers nordvest - dretg l’enconuschent spitg dal nord.
RTR, Georg Luzzi
2 / 7
Legenda:
Il Piz Badile a sanestra, bain visibel il spitg enconuschent.
RTR, Georg Luzzi
3 / 7
Legenda:
Marcello Negrini (dretg) raquinta l’istorgia da la sola da Vibram.
RTR, Georg Luzzi
4 / 7
Legenda:
Il Piz Badile l’october 1960.
CAS Bregaglia
5 / 7
Legenda:
La Capanna di Sciora al pe dal Piz Badile.
CAS Bregaglia
Cun agid da la nova sola da Vibram è Vitale Bramani finalmain arrivà cun ses ami Ettore Castiglioni, da raiver si da la paraid glischa vers nordvest enfin sin il Piz Badile – l’entschatta dal success da la sola da «Vibram».
