Al Piz Linard sin il territori da Lavin è dumengia morta in’alpinista. La dunna da 44 onns era en viadi cun ses partenari vers il Piz Linard. Els eran partids da la chamona Linard. Curt avant il piz saja la dunna crudada giu 200 meters – scriva la Polizia chantunala. La Rega haja be anc pudì constatar la mort da l’alpinista. Il partenari n’è betg sa blessà.
Ensemen cun la procura publica examinescha la Polizia chantunala l'andament exact da l'accident.