In’alpinista da 36 onns ed in alpinist da 28 onns èn sa blessads gievgia cun vegnir giu dal Piz Morteratsch. Cura che l'um ha sa laschà giu cun la suga tar la dunna, è vegnì liber crappa sur els. Cunquai che la crappa ha tutgà els, èni crudads tschintg meters. Quai communitgescha la Polizia chantunala.
L’alpinist ha pudì sa liberar da la crappa ed ha lura alarmà il salvament, ch'han lura liberà l'alpinista. L'um è vegnì blessà levamain e vegnì sgulà en l’ospital da Samedan. L’alpinista ha pliras ruttadiras da las chommas. La Rega ha transportà ella en l’ospital da Cuira. En acziun eran duas equipas da la Rega, sustegnids da trais spezialists da salvament per helicopters da la secziun SAC Bernina.
