Siglir tar il cuntegn

Header

Piz Nair
Legenda: Da questa lavina è il snowboardist vegnì tschiffà e sepulì. Polizia chantunala
cuntegn

Piz Nair sur San Murezzan Snowboardist ch'è vegnì en lavina è mort

Al Piz Nair sur San Murezzan è in snowboardist vegnì sutterrà il di da Son Steffan d'ina lavina. L'um da 36 onns è vegnì blessà grevamain. Sco la Polizia chantunala communitgescha saja l'um mort la sonda.

Ina gruppa da quatter persunas è ida per la segunda giada da la medema plaunca giuaden. Il davos commember da la gruppa ha fatg ir la lavina. El è vegnì tratg da quella radund 400 meters e sepulì. Ils auters trais ch'eran ids ordavant spetgavan giudim la plaunca en in lieu segir.

Il snowboardist grev blessà è vegnì transportà cun la Rega en l'ospital chantunal a Cuira. Sonda è el lura mort en l'ospital, communitgescha la polizia.

Video
Novitads
Or da Telesguard dals 27.12.2019.
laschar ir

RTR novitads 21:00