En Val Müstair èn vegnidas chattads la dumengia passada ils fastizs dad in urs. Quai ha confermà l’Uffizi da chatscha e pestga. Ils fastizs en la naiv sut il Piz Turettas haja la surveglianza da chatscha pudì attribuir cleramain ad in urs.
L’uffizi haja sinaquai tramess in SMS d’avertiment als purs ed apiculturs da la regiun. L’animal vegnia uss observà detagliadamain da la surveglianza da chatscha e dals guardians dal parc naziunal. En il fratemp saja l’urs passà vinavant sur il Pass dal Fuorn.
RTR novitads 15:00