En la raspada da la baselgia evangelica d’Engiadin’Ota «refurmo» datti actualmain 8 pravendas. En connex cun la revisiun totala da l’urden da la raspada duai questa situaziun vegnir optimada. Numnadamain duai dar en avegnir be pli ina pravenda en la raspada. Quella duai er cuntegnair il convent ch’exista oz ord la pravenda, e las diaconas ed ils diacons socials.
D’avair be pli in gremi duai simplifitgar oravant tut la communicaziun cun la suprastanza. Ella haja uschia in partenari da contact che sustegna l’opiniun da tut las persunas involvidas, ha ditg Andreas Wassmer, il reverenda da San Murezzan ad RTR. Sco las cumpetenzas vegnan regladas concret, saja da sclerir en in proxim pass.
La revisiun totala da l’urden da la raspada da la baselgia evangelica d’Engiadin’Ota vegn decisa ils 28 da november 2021 a l’urna.