Cun 562 vuschs Gea e 46 Na ha la plaiv evangelica d’Engiadin’Ota approvà la revisiun da l’urden da baselgia. La participaziun a la votaziun a l’urna è stada bassa cun 14,4%.
La revisiun parziala da l’urden da «refurmo» sa basa sin la constituziun da la baselgia chantunala. Quella è en vigur dapi il 1. da schaner 2019. Enfin la fin da quest onn ston las baselgias adattar lur urdens.
Gia il fanadur 2019 aveva la suprastanza da la plaiv instradà ina revisiun totala da l’urden da baselgia. Quel era vegnì approvà e publitgà la fin d’october. En il nov urden da baselgia datti surtut midaments ed adattaziuns a reguard il manar communabel la plaiv e la pussaivladad da vuschar a l’urna u en ina radunanza da la plaiv publica.