Siglir tar il cuntegn

Header

cuntegn

Engiadina Plan da master per futura plazza aviatica a Samedan

Il parlament da l’Engiadina Ota è vegni infurmà oz per l’emprima giada concretamain davart ils plans d’investiziun per la plazza aviatica a Samedan.

I sa tracta d’investiziuns da radund 26 milliuns francs en ina emprima fasa. Quella cuntegna tranter auter la separaziun da la partiziun da helicopters ed aviuns sco er ina construcziun d’ina saiv enturn la plazza aviatica. Plinavant prevesa il plan da master er ina sanaziun dals stabiliments ed investiziuns en la segirtad.

audio
Bunura: Investiziuns plazza aviatica Samedan
ord Actualitad dals 18.12.2015.
laschar ir. Durada: 3 minutas 33 Secundas.

Vischnancas han resalvas

Ils presidents communals da l’Engiadin’Ota èn s'exprimids a la sesida dil parlament regiunal criticamain envers ils imports che las vischnancas avessan da contribuir ils proxims onns.

Ultra da quai èn els dentant persvas ch’il mantegniment da la plazza aviatica a Samedan è da gronda impurtanza per la regiun. Il parlament duess approvar il plan da master surlavurà in favrer 2016. Previs è da suttametter la dumonda da credit da 9 milliuns francs il zercladur a la populaziun d’Engiadin’Ota.

Artitgels legids il pli savens