Dapi la fusiun da Ramosch e Tschlin a la vischnanca da Valsot avant 10 onns n'exista nagina lescha da fabrica communabla. Perquai dovri ina revisiun totala e la vischnanca sto gist er prender a mauns da reducir la zona da fabrica tenor las pretaisas dal chantun Grischun ed er da stgaffir plazzas da parcar. Finalmain vegn era reglada la situaziun dad emprimas e secundas abitaziuns.
La vischnanca da Valsot ha infurmà ad ina radunanza davart il stan actual. Oravant tut la situaziun da las plazzas da parcar dattan da discurrer: En tut las fracziuns e questa problematica evasa – dentant betg en la fracziun da Ramosch. Qua è previs da stgaffir radund 50 plazzas e quai en il center da vitg.
Plinavant prevesa la revisiun totala da stritgar radund 50% da la zona da construcziun a Ramosch, percunter stgaffir ina nova zona a Tschlin. Finalmain sto il suveran era decider sur da la situaziun dad emprimas e secundas abitaziuns. En connex cun questa planisaziun communala vul la vischnanca da Valsot promover la fabrica d’abitaziuns per indigens, numnadamain emprimas abitaziuns.
La radunanza communala è previsa durant la stad 2022 cun la finamira ch'era la regenza grischuna po lura consentir la revisiun, probabel durant l’onn 2023.