Siglir tar il cuntegn

Header

video
Part dal proxim pass da svilup da la plazza aviatica da Samedan, las novas saivs
Or da Telesguard dals 13.10.2021.
laschar ir
cuntegn

Plazza aviatica regiunala Saiv redimensiunada enturn l'areal a Samedan

Cun in concept da protecziun sur trais stgalims duai la plazza aviatica da Samedan daventar pli segira. Quai ha communitgà la conferenza da la plazza aviatica.

Il concept ha ella elavurà ensemen cun l'Uffizi federal d'aviatica civila BAZL. L’emprim stgalim è ina saiv da segirezza da 2,5 meters autezza, enturn il stabiliment da l’eroport a Samedan e sper la plazza da preparaziun per la partenza. Il president da la INFRA plazza aviatica Samedan, Christian Meuli, declera ch'i giaja per la segirezza sin la plazza aviatica e per impedir che p.ex. peduns, skiunzs u chauns entran.

audio
Concept da saivs sin la plazza aviatica da Samedan
02:34 min, Actualitad dals 13.10.2021.
laschar ir. Durada: 02:34 minutas.

La segunda saiv è ina da protecziun cun signals (Hinweiszaun) da 1,2 meters autezza che duess circumdar l'entira plazza. Ils dus models da saiv èn actualmain installads sin l’areal da la plazza aviatica a Samedan. Els duain mussar las dimensiuns da las mesiras da protecziun.

La dumonda da construcziun per la saiv enturn la plazza aviatica a Samedan saja inoltrada, uschia Christian Meuli. Sche tut va tenor plan, vul ins cumenzar l'onn 2023 cun la realisaziun da la saiv da protecziun. Ils custs sa muntan a 1,4 milliuns francs, 74% da quels surpiglia la Confederaziun.

Nizzegiar il temp per dialog

La «Conferenza plazza aviatica regiunala» ha plinavant elavurà ina «charta» per definir la funcziun, las finamiras e visiuns da la plazza aviatica.

In punct è che nus vulain involvar la populaziun en questa discussiun da la charta. In segund punct è che nus avain concretisà las finamiras
Autur: Christian Meuli president Infra plazza aviatiaca Samedan

Ins veglia nizzegiar il temp fin che la lubientscha da bajegiar saja sin maisa per far la discussiun en differents gremis sco er cun la populaziun ed en las medias. La populaziun da la regiun Malögia po pigliar posiziun fin ils 14 da november.

RTR novitads 17:00

Artitgels legids il pli savens

Scrollar a sanestra Scrollar a dretga