Siglir tar il cuntegn

Header

Navigaziun

Plazza aviatica da Samedan.
Legenda: La plazza aviatica da Samedan po vegnir engrondida e modernisada. Keystone
cuntegn

Plazza aviatica Samedan Dapli traffic aviatic en Engiadina

Il Cussegl federal ha stgaffì il venderdi la basa necessaria da la planisaziun dal territori per modernisar ed engrondir la plazza aviatica regiunala en Engiadin'Ota. Il traffic aviatic pudess uschia crescher marcantamain en la regiun.

Il mument vegn la plazza aviatica duvrada per sgols cun jets privats, aviuns senza motor e helicopters. En futur èn er planisads sgols da charter. Actualmain notescha la plazza aviatica per onn radund 14'000 moviments da sgol cun aviuns a motor. En futur duai quest dumber muntar a 23'500 moviments. Quai resorta dal fegl d'object tar la plazza aviatica ch'il Cussegl federal ha approvà.

Cun quest project vul la possessura da la plazza aviatica, la Engadin Airport SA, meglierar la cuntanschibladad da l'Engiadina. En in emprim pass vegn sin proxim enviern introducì il traffic aviatic suenter reglas d'instrument IFR.

RR novitads 12:00

Ord l'archiv:

Legenda: Guardar il video Dovra la plazza aviatica ina saiv enturn l'areal u betg. Durada 02:40 minutas.
Or da Telesguard dals 13.05.2019.