Siglir tar il cuntegn

Header

video
La modernisaziun da la plazza aviatica a Samedan cuntinua
Or da Telesguard dals 11.04.2022.
abspielen. Laufzeit 4 minutas 48 Sekunden.
cuntegn

Plazza aviatica Samedan Project dad 88 milliuns francs dat vinavant da discutar

Infurmar la populaziun ed oravant tut metter ord via tschertas malenclegientschas envers ils plans per la modernisaziun da la plazza aviatica a Samedan. Quai è stà l’intent principal da l’interpresa d’infrastructura responsabla «INFRA» per organisar ina sairada d’infurmaziun.

Ch’igl è necessari da modernisar la plazza aviatica a Samedan na dubiteschia atgnamain quasi nagin. La dumonda è simplamain en tge dimensiuns e per quant. Aveva la populaziun da l'Engiadin’Ota anc approvà l'onn 2017 investiziuns da 22 milliuns francs per modernisar l’infrastructura, èn uss previs custs da sur 88 milliuns francs. Il motiv: l’emprima etappa da construcziun è pli vasta e cumpiglia sper il svilup da coc anc ulteriuras etappas da svilup. Be uschia possia la gestiun da la plazza aviatica correspunder als basegns e render en avegnir. Davart quest augment da custs aveva l’INFRA gia infurmà l’onn passà. Dapi lura saja girà ina massa, dentant mo davos las culissas e betg en manifestaziuns publicas. Quai haja tenor ils responsabels da far oravant cun la pandemia.

audio
Samedan: Discussiun davart modernisar plazza aviatica cuntinua
aus Actualitad vom 09.04.2022.
abspielen. Laufzeit 3 minutas 57 Sekunden.

Critica envers custs supplementars e cumpetenza

A la sairada d’infurmaziun en il Rondo a Puntraschigna han intgins adversaris dal project revedì crititgà oravant tut ch’ils responsabels n’hajan betg communitgà avunda transparent las finanzas cun tut sias consequenzas. Enfin ussa n’è numnadamain anc betg cler co il surpli da custs duai vegnir finanzià. Ubain cun investiders privats, da preschent anc betg enconuschents, ubain entras il maun public. Sut talas circumstanzas stoppia il project tenor ils adversaris anc ina giada vegnir suttamess ad ina votaziun.

Ils responsabels concedan bain d’avair infurmà la populaziun massa pauc detaglià en chaussa, dentant insistan enavant sin il project preschentà. Davart las duas variantas da finanziaziun e la dumonda, sche la populaziun duai anc ina giada avair pled en chapitel, vegnia decidì a la conferenza da la plazza aviatica, l'october da quest onn.

audio
Per tadlar curt e cumpact
aus RTR Audio vom 09.04.2022.
abspielen. Laufzeit 1 minuta 2 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga