Malgrà ch'il plazzal è puspè deliberà da l'aua, na pon las lavurs betg cuntinuar. Il mument fissi memia malsegir perquai che la blera naiv ha era emplenì las raits cunter crappa. La bloccada vegnia a cuzzar anc enfin che la segirezza per ils lavurers po puspè vegnir garantida. Quai munta enfin la primavaira. Uschia vegn retardà l'entir project ch'avess gì da vegnir en funcziun il 2020.
Tunnel da pressiun chaschuna er retard
Er tar il tunnel da pressiun da 20 kilometers tranter Ovella (CH) e Prutz (A) datti difficultads. Omaduas maschinas da furar èn vegnidas il schaner en zonas geologicas da disturbis. Il mument ston tuttas duas maschinas vegnir deliberadas uschia ch'il manaschi sa retardescha era qua.
En tge furma che la situaziun vegnia a chaschunar custs supplementars a las ovras èn ins anc vid sclerir, scrivan las ovras electricas Engiadina.
RR novitads 10:00