Sulet en Engiadina Bassa ha l’Agid svizzer per la muntogna sustegnì radund 80 projects cun radund 3,2 milliuns francs. Quai èn projects ch'han custà tranter 5’000 enfin 200’000 francs. Cun esser persunalmain en regiuns muntagnardas vulan els vesair ils projects che han gì success. Plinavant vulan els cun lur preschientscha era animar ils indigens da preschentar novas ideas e visiuns.
Per tschintg dis ad Ardez
Dapi dus onns van els en las regiuns per sentir il puls, l’onn passà eran els a Goms e quest’onn ad Ardez. La populaziun ha la pussaivladad da discurrer cun els sur projects realisads u er sur projects novs. Ils projects en las spartas surmenziunadas ston accumplir trais criteris fundamentals: La firma sto avair il sez en ina regiun muntagnarda, dastga betg avair dapli che 50 collavuraturas e collavuraturs ed il pli impurtant – il project dastga betg esser gia realisà.
Or da l'archiv
