Plirs recurs encunter concept directiv da Schlarigna

Suenter 60 dis è finì la fasa da consultaziun per il concept directiv da Schlarigna. Tenor la vischnanca è entrada ina deschina da recurs. Pervi da midaments en la suprastanza vegnan quests recurs dentant pir analisads l'onn proxim.

Totala da la vischnanca da Schlarigna. Bild in Lightbox öffnen.

Legenda da maletgs: Il concept directiv duai dar novs impuls a la vischnanca da Schlarigna RTR, Dario Müller

Encunter il concept directiv da Schlarigna haja dà ina deschina da recurs. Quai ha confirmà il chanzlist Beat Gruber envers RTR. La vischnanca na vul dentant betg prender per mauns la fatschenta anc quest onn.

Quai pervia che Schlarigna survegn a partir da schaner numnadamain ina nova suprastanza communala. Ord quest motiv na vegnan n'er betg communitgads ulteriurs detagls pertutgant ils recurs.

Il concept directiv prevesa pliras adattaziuns per la vischnanca durant ils proxims decennis:

  • Uschia per exempel a curta enfin media vista in concept da traffic en il minz da la vischnanca che duai vegnir encunter als peduns
  • divers projects per ina renaturalisaziun da l’En
  • ubain alura a lunga vista in spustament dal sviament en direcziun al Guaud da Staz.