En l'Engiadin'Ota èsi vegnì rut en ed engulà pliras giadas dapi la fin d'avust. La pli nova annunzia ha la polizia survegnì dumengia. I saja vegnì rut en en duas abitaziuns a Puntraschigna.
Persunas nunenconuschentas hajan rut en, dapi la fin d'avust en totalmain 13 abitaziuns ed engulà surtut daners, bischutaria ed uras da bratsch. Quai ha communitgà la Polizia chantunala. La summa da delict munta a plirs dieschmilli francs.