Suenter ils enguladitschs aveva la polizia chantunala fatg controllas da notg ensemen cun il corp da la guardia da cunfin e las autoritads talianas.
En vischinanza dal cunfin talian hajan ins uss arrestà dus umens da 25 onns, oriunds da la Rumenia. Ina ulteriura persuna haja pudì scappar a pè.
Per la populaziun en la Val Bergiaglia è l’arrestaziun in pitschen levgiament. Per la presidenta communala dal comune di Bregaglia, Anna Giacometti, è dentant clar che la criminalitad s’augmenta dapertut e na schanegia era betg la val taliana.
RR novitads 16.00