La polizia chantunala ha survegnì avis da pliras persunas, ch’ellas hajan vis en l’En peschs crappads sin ina lunghezza da radund tschintg kilometers.
Ensemen cun l’Uffizi per la natira e l’ambient e l’Uffizi da chatscha e pestga, ha la polizia chantunala cumenzà cun investigaziuns. Uschia hajan els constatà, che plirs tschients peschs sajan crappads tranter S-chanf e Cinuos-chel pervi da l’aua malnetta.
Investigaziuns en duas direcziuns
Tge ch’ha contaminà l’aua da l’En n’è anc betg enconuschent. Per incumbensa da l’Uffizi da chatscha e pestga examinesch’ins uss a moda forensica intgins dals peschs chattads. La polizia chantunala tschertga la raschun per la contaminaziun da l’aua.