Siglir tar il cuntegn

Header

video
Polo sin la naiv a San Murezzan
Or da Actualitad video dals 28.01.2018.
laschar ir
cuntegn

Engiadina Polo World Cup San Murezzan perfect malgrà las navaglias

Il 34avel Polo World Cup a San Murezzan ha pudì vegnir organisà senza problems pli gronds malgrà las navaglias da l’emna passada.

Las preparaziuns da l’infrastructura e dal champ da polo sin il glatsch dal Lai da San Murezzan e stà fitg cumplex quest onn. Quai pervi da las navaglias e las temperaturas miaivlas.

Be cun l’engaschi da blers collavuraturs han ils organisaturs pudì cumenzar il venderdi il turnier cun bunas cundiziuns. Il glatsch aveva ina grossezza ideala da 54 cm e l’aura era buna, bunamain massa buna.

Causa las grondas massas da naiv cun fitg bler pais e la bell’aura cun las temperaturas agreablas hai dà singuls lieus nua ch'aua è entrada sur il glatsch. Quest’aua n’ha però betg fat donns al champ da polo. Tut ils gieus han pudì vegnir manads tras sco planisà.

RR actualitad

Artitgels legids il pli savens

Ir a sanester Ir a dretg