Siglir tar il cuntegn

Header

video
Halla da glatsch Engiadin'Ota:
Or da Telesguard dals 31.01.2019.
laschar ir. Durada: 3 minutas 23 Secundas.
cuntegn

Engiadina Populaziun decida davart la halla da glatsch en l'Engiadin'Ota

In Gea da la populaziun fiss in grond pass vers in siemi, ch'exista gia dapi passa 40 onns – in Na a l’urna ils 10 da favrer, destruiss la visiun d’in center da sport cun ina halla da glatsch en l'Engiadin’Ota per dal bun.

Ils 29 da schaner 2018 ha il comité da l'iniziativa inoltrà cun 1'641 suttascripziuns l'iniziativa «Construcziun e gestiun d'in center da sport sin glatsch cun halla da sport e d'eveniments en la Regiun Malögia»

L'iniziativa pretenda la construcziun e la gestiun d'in center regiunal da sport sin glatsch cun halla da sport e d'eveniments che duess vegnir resguardada sco incumbensa regiunala da la Regiun Malögia.

audio
Mezdi: Center da sport sin glatsch Malögia
ord Actualitad dals 31.01.2019.
laschar ir. Durada: 3 minutas 13 Secundas.

Populaziun decida davart l'emprim pass

Ils 10 da favrer 2019 decida la populaziun davart l'emprim pass. Quai vul dir, i vegn decis, sche la Regiun Malögia duai surpigliar la responsabladad. Dapi quasi 40 onns siemian ins dad ina halla da glatsch en Engiadin'Ota.

Suenter questa votaziun seguan almain anc duas ulteriuras votaziuns. Ina decida davart il lieu ideal da la halla, e l'autra davart la gestiun ed ulteriurs credits necessaris.

RR actualitad 12:00

Artitgels legids il pli savens