Tar l'entrada principala dal center da cumpra Porta Samedan na datti naginas strivlas melnas supplementaras. La Polizia chantunala haja refusà ina dumonda per quests ulteriurs passadis da peduns, scriva la vischnanca da Samedan.
Cun mesirar il traffic a Cho d'Punt saja resultà ina media da stgars 900 vehichels per di. Quai na tanschia cleramain betg per installar novs passadis da peduns. I duvrass almain 3'000 vehichels per di. Sch'igl èn pli paucs sajan las largias tranter ils vehichels grondas avunda per surpassar a moda segira.
E sco la vischnanca scriva, pretenda la Polizia chantunala plinavant che las trais strivlas melnas existentas vegnian er allontanadas.