Siglir tar il cuntegn

Header

cuntegn

Porta Samedan Ord chasas sbuvadas daventa center da cumpra

Ord vegl daventa nov. In trend che è er arrivà tar il material da construcziun. La firma Montebello SA elavurescha numnadamain rument da chasas sbuvadas e masdiglia il material elavurà cun nov betun. Uschia che la mesadad dal material è nov e l’autra è material reciclà. L’emprim project che vegn construì ord quel material è la Porta Samedan nua ch’i vegn a dar l’emprima Migros en Engiadina.

Grond sforz da producziun

Il sforz per producir il betun reciclabel è però in toc pli grond sco normal. Numnadamain dovri dapli persunal per sortir tut il rument da las chasas sbuvadas ed er indriz spezials che manizzan il material in plirs process enfin ch’i dat gera e sablun ordlonder. Tuttina è Flurin Wieser, il maina gestiun da la Montebello SA persvas che questa moda è l’avegnir dal material da construcziun. Numnadamain èn las deponias adina pli plainas ed a survegnir gera natirala tras chavadas adina pli difficil.

Il project pilot en Grischun, la Porta Samedan è sin buna via. Ils total 17’000 meters cubic betun èn bainbaud elavurads - las lavurs da construcziun dadora pia serradas giu.
L’avertura dal nov center da cumpra è planisada ils 23 da zercladur 2021.

RTR actualitad 12:00

Artitgels legids il pli savens

Scrollar a sanestra Scrollar a dretga