Siglir tar il cuntegn
cuntegn

Engiadina Possessur vul mantegnair il Schweizerhof a Vulpera

L'investider ollandais che posseda il Schweizerhof a Vulpera vul realisar abitaziuns cun service d'hotel.

entrada dal hotel
Legenda: Daventa il Schweizerhof in Aparthotel? Il Robinson Club Schweizerhof a Vulpera ha in futur intschert. RTR/D. Müller

Il possessur dal Robinson Club Schweizerhof a Vulpera, l’investider ollandais Hans Kortlevers, vul mantegnair il Schweizerhof a Vulpera. El ha l’idea da reavrir la chasa tenor il sistem dad in apart-hotel. Quai vul dir: abitaziuns cun servetsch d’hotel sco per exempel in restaurant. Ins saja dentant pir en la fasa da concept, concret na saja anc nagut ha ditg Hans Kortlevers envers il radio SRF.

Situaziun cun l'Euro ferm maina a deficit

Kortlevers ha motivà la decisiun da serrar il Robinson Club Schweizerhof quest’atun cun l’Euro debel envers il franc svizzer. Las entradas sajan crudadas per 20% dapi il schaner. Quai en consequenza al fatg che il curs da l’Euro e crudà sin pli u main 1 franc. Dapi lura scrivia l’hotel cifras cotschnas malgrà che l’hotel saja bain occupà.

RR actualitad la saira 17:00