Siglir tar il cuntegn
Inhalt

Engiadina Post da coordinaziun per bilinguitad resta

Il cussegl communal da Samedan vul avair vinavant in post ch'è responsabel per la bilinguitad en scola. Era suenter la pensiun dal manader, Andrea Urech, la fin da l’onn scolastic 2015/16.

Eau incleg rumauntsch
Legenda: Ina da las acziuns ch'il post da coordinaziun per bilinguitad ha lantschà ensemen cun promoturs da rumantsch. RTR, A. Caprez

Cun la revisiun da la constituziun dal 2004 veva Samedan introducì in artitgel da lingua che duai promover la bilinguitad en vischnanca. En coordinaziun cun la cumissiun da scola e la direcziun, ha la suprastanza communala decis da cuntinuar cun quella lavur er en l'avegnir. Andrea Urech saja pront da surpigliar il pensum da 20% er suenter sia pensiun, scriva il cussegl communal en ina communicaziun.

Marcar preschientscha

La finamira da basa dal post da coordinaziun è da garantir la preschientscha da la lingua rumantscha e da sensibilisar la populaziun per la bilinguitad.