Ina moziun inoltrada ha gì success. Il parlament da Berna ha decis da sustegnair las gasettas localas e regiunalas. La Posta Svizra vegn a surpigliar ils custs da distribuziun. Il stadi prevesa da sustegnair cun quai las chasas da medias cun radund 35 milliuns francs.
Per Martina Gammeter, l'editura e manadra da la firma Gammeter Media SA èn quai bunas novitads, la distribuziun è in grond post en la contabilitad. Las entradas èn sa diminuidas drasticamain, oravant tut las entradas da reclamas èn crudadas quasi ensemen. Perquai ha inoltrà era la chasa da medias Gammeter Media SA lavur curta.
Normalmain cumpara la gasetta cun dudesch paginas, da curt è vegnida tramess mo ina cun otg paginas. Tenor l’editura e manadra da la Gammeter Media SA Martina Gammeter è quai ina consequenza da las mesiras actualas. Ma ella intuna, quai na vegnia betg ad esser la regla. Era la firma Gammeter Media SA sto optimar per surmuntar il temp malsegir causa la pandemia.
Cun optimissem en il futur
Gronda speranza metta la manadra da gestiun Martina Gammeter sin la stagiun da stad. Ella spera ferm che tut vegn a returnar. Natiralmain maina questa pandemia anc consequenzas sin pli lunga vista, ma era quellas vegnan ad esser ina giada schliadas.
La Posta Ladina ha fatg midada cun il biro a Scuol, a partir d'immediat sa chattian quels a Bagnera 198.