Surtut giasts da l’ester ma er svizzers che han in tractament medicinal in Grischun, quintan tar il potenzial futur per il turissem en il chantun da vacanzas.
A la conferenza a Puntraschigna èn represchentads medis, differentas clinicas che sa vulan vender, turistichers ed hoteliers. La finamira è tenor l’iniziant da l’inscunter, Christian Gartmann, ch’ins survegn ina emprima survista da las pussaivladads sin il champ da sanadad en connex cun il turissem.
Medicina, turissem e politica
Gartmann ha organisà la conferenza “sanadad e turissem” sin atgna iniziativa cun giasts e referents da la medicina, il turissem ed er or da la politica. Quai per evaluar tge schanzas ch’ins vess cun sviluppar e realisar ideas e projects il sectur da turissem da sanadad.
La conferenza ha lieu ils 7 da settember 2015 en il Rondo a Puntraschigna.