Siglir tar il cuntegn

Header

Jessica Zuan e Bruno Ritter.
Legenda: Jessica Zuan e Bruno Ritter. RTR, Anna Caprez / MAD
cuntegn

Engiadina Premi per Jessica Zuan e Bruno Ritter

La Regiun Malögia onurescha la scriptura engiadinaisa e l’artist da la Bergiaglia cul premi cultural 2020.

Al pictur ed illustratur Bruno Ritter surdà la Regiun Malögia il premi da reconuschientscha per sias ovras d’art ch’el ha stgaffì ils ultims decennis en la Val Bregaglia. Arrivà en la val taliana è il magister d’art ils onns 80 pervi da l’amur.

Jau na saveva avant che rivar en la Val Bregaglia gnanca ch’ils Giacomettis fissan da qua.
Autur: Bruno Ritterpictur ed artist, Borgonovo

Entant viva l’artist a Borgonovo e lavura en ses atelier a Chiavenna. Uschia haja el er duas varts che influenzeschian sias ovras. Surtut il temp pli somber durant l’enviern en la Bergiaglia ama Ritter, ma er ses lieu da lavur sulegliv en l’Italia. Ina part da sias ovras – pictura e dissegns- èn exponidas proximamain en la Ciäsa Granda a Stampa.

Gista dus premis per Jessica Zuan

Suenter ch’il Chantun Grischun onurescha a Jessica Zuan cun in premi da promoziun, survegn la dunna da 35 onns er il premi cultural da promoziun da la Regiun Malögia. Ina grond’onur per la scriptura e poetessa che è creschida si en Engiadin’Ota, a Segl ed a La Punt Chamues-ch.

Per mai è quai ina onurificaziun per mia lavur e ma rinforza er da cuntinuar cun scriver, per il mument gugent poesias.
Autur: Jessica Zuanscriptura Barcelona / Engiadina

Jessica Zuan è maridada cun in Spagnol, mamma d’ina figlia e viva dapi 13 onns a Barçelona. Ils emprims texts e poesias aveva ella scrit en tudestg e franzos. Ils ultims onns scriva ella en rumantsch. Ses emprim cudesch cun poesias «Stremblidas e s-chima» è cumparì il 2019.

RTR actualitad 17:00

Dapli da Engiadinaavrir la Landingpage

Nach links scrollen Nach rechts scrollen