Il film mussa la cuntrada idillica enturn Samedan. Ils maletgs stattan en ferm cuntrast cun ils raquints da babs, mammas, amis ed amias dad uffants u giuvenils che prendevan heroin ed èn per part morts. Ivo Zen mussa Samedan en la naiv – ina naiv che cuvria e taschentia las regurdanzas, sco il cineast di.
Taschair u discurrer?
-
Bild 1 von 6Legenda: Placat dal film. mad -
Bild 2 von 6Legenda: Monika Ramponi sa ragorda en il film da ses figl. Kaleo La Belle
-
Bild 3 von 6Legenda: Drogas sut tschel blau - Andrea Clavadetscher raquinta co gl'è stà da lez temp. Adina pli e plinensi. Kaleo La Belle
-
Bild 4 von 6Legenda: L'idilla da la cuntrada engiadinaisa cuntrastescha cun ils raquints da giuvens dependents e morts da drogas. Kaleo La Belle
-
Bild 5 von 6Legenda: Ina classa en ils onns 80 a Samedan. Trais dals scolars na vivan betg pli. mad
-
Bild 6 von 6Legenda: Il cineast Ivo Zen durant las lavurs per "Suot tschêl blau". mad
Ins duai laschar pussar quest tema e betg rumper si plajas finalmain guaridas, di ina vusch en il film. Durant sias emprimas retschertgas haja el badà ch’i dettia bain il basegn da taschair, ma era il basegn da discurrer, di il cineast.
Quels che vulan discurrer duain avair il dretg da far quai
Il film haja purschì la chaschun da raquintar l’emprima giada avertamain da la scena da drogas en l’Engiadina. In protagonist discurra en quest connex d'in «suspür».
«Suot tschêl blau» na saja betg in film schurnalistic che enumereschia cifras davart consuments da heroin, mabain in film che sa fatschenta cun la memoria da ses protagonists.
Il film «Suot tschêl blau» dad Ivo Zen è vegnì realisà en ina coproducziun cun Radiotelevisiun Svizra Rumantscha RTR.
Dumengia ils 8 da november è premiera da «Suot il tschêl blau». Il kino Apollo a Cuira mussa il film da las 15:00 e da las 18:00.