Engiadina - Premiera en la Cuppa mundiala – il maina-cursa da San Murezzan
Robin Miozzari (28) deriva da Schlarigna ed è il nov directur da cursa a San Murezzan. Per il Schlarignot ina gronda schanza suenter avair gidà blers onns sco voluntari en differentas funcziuns. Tar la Cuppa mundiala da skis a San Murezzan ha el gì premiera.
Per l’emprima giada en l’istorgia èn sa mesiradas las skiunzas questa fin d’emna en in slalom parallel sco disciplina uffiziala da la FIS. In’ulteriura premiera tar la Cuppa mundiala a San Murezzan haja dà tar l’organisaziun.
Cunquai ch’ins vul surdar dapli responsabladad a giuvens en funcziuns impurtantas è vegnì elegì Robin Miozzari da Schlarigna sco nov directur da cursa a San Murezzan. Il Telesguard è stà da la partida tar la premiera dal giuvenot da 28 onns.
