Siglir tar il cuntegn

Header

Navigaziun

Legenda: Guardar il video Reacziuns – premiera «Tredeschin Retg». Durada 03:29 minutas.
Or da Actualitad video dals 03.08.2019.
cuntegn

Premiera Tredeschin Retg – tuts vulan esser chapitanis

L’istorgia oriunda da Gian Bundi, nua che Tredeschin va a la tschertga da la fortuna, chatt’ins er en la versiun da Tredeschin Retg. Il mund nua ch’il toc gioga è per gronda part in bastiment e sin quel vulessan natiralmain esser tuts il chapitani. Ina bartga che duai er simbolisar la Rumantschia.

Masdigl da linguas

Sco en il mintgadi datti era sin tribuna adina puspè discussiuns tranter ils differents idioms a reguard la lingua. Ed er sco il di dad oz vegn latiers anc il tudestg svizzer, il tudestg en scrit ed englais. Tuttina è l’istorgia da Tredeschin adina bain da chapir, quai er grazia ils surtitels en tudestg e talian.

Papagagl ha sia atgna show

Ina rolla fitg marcanta e giugada a moda impressiunanta ha il sutunz Ivo Bärtsch. Cun ses moviments tipic d’utschè e sia superbia da sias pennas coluradas, lascha el bunamain emblidar il public ch’el è en sa sez simplamain in um che sauta sin il palc.

Happy End

Sco tar la parabla engiadinaisa da Gian Bundi datti er ina buna fin tar Tredeschin Retg ed el survegn sia princessa.

RR actualitad