Christian Jott Jenny, il president communal da San Murezzan candidescha per in’ulteriura perioda d’uffizi. Quai ha el confermà sin dumonda da RTR. Jenny era vegnì elegì l’onn 2018 surprendentamain sco president communal ed è dapi l’onn 2019 en uffizi.
Cun sia candidatura van actualmain dus candidats en cursa per il presidi da San Murezzan: Sper Jenny aveva s'annunzià Martin Binkert gia il november passà.
L'elecziun è ils 12 da zercladur. In eventual segund scrutini è prevesì ils 17 da fanadur 2022.