Engiadina - Preventiv 2016 allegraivel per La Punt Chamues-ch
La vischnanca da La Punt Chamues-ch fa quint proxim onn cun sortidas ed entradas da bun 7,4 milliuns francs. Sut il stritg resulta in pitschen gudogn da stgars 3’000 francs. Quai tar investiziuns da 585’00 francs.
La radunanza communala ha dad approvar il preventiv 2016 ed il pè da taglia che duai restar vinavant tar 77,5 %. Plinavant han ils votants da decider davart ina dumonda d’in credit supplementar per la revitalisaziun da l’aual Chamuera da 180’000 francs.
La radunanza communala da La Punt Chamues-ch decida ils 20 da november 2015 in chaussa.
