Cun prest 690'000 francs gudogn quinta il preventiv da la vischnanca da Scuol per quest onn. Da la votaziun a l'urna è quel vegnì approvà cun gronda maioritad. Quai cun ina particiapziun da 20,64%. Medemamain è il suveran da Scuol d'accord ch'il pè da taglia resta tar 100% da la taglia chantunala simpla.
Gea a tut las ulteriuras fatschentas
Votantas e votans da Scuol han plinavant approvà tut las fatschentas, tranter auter las taxas d'aua (taxa fundamentala e taxa tenor consum), taxas da chanalisaziun (taxa fundamentala e taxa tenor quantitad), vendita d'immobiglias a persunas da l'exteriur e la cunvegna da prestaziun cun il Parc Naziunal Svizzer.
Ord l'archiv
Divers abitants han pretendì da la vischnanca da Scuol da spustar la radunanza communala dals 14 da december ubain far ina votaziun a l'urna – quai pervi da la situaziun actuala.