Siglir tar il cuntegn

Header

video
Roulet russ dasper las pistas – Dis intensivs per il servetsch da salvament
Or da Telesguard dals 10.02.2022.
laschar ir. Durada: 4 minutas 23 Secundas.
cuntegn

Privel da lavinas Roulet russ dasper las pistas

Da dis suleglivs, suenter ch’i ha bischà e navì, è il tschaffen d’ir dasper las pistas grond tar diversas skiunzas e skiunz. Il privel è però gist uschè grond. Per Linard Godly e sia squadra dal servetsch da salvament da l’Engiadina San Murezzan Mountains èn quels dis intensivs. La damaun baud vegnan numnadamain siglientadas lavinas, tratgas saivs a lieus periclitads ed installadas tablas per sensibilisar la glieud. Tuttina na possian ins betg evitar accidents dasper las pistas, uschia Linard Godly.

audio
Schlarigna: Dis intensivs per il servetsch da salvament sin pista
ord Actualitad dals 10.02.2022.
laschar ir. Durada: 3 minutas 23 Secundas.

Situaziun precara

Quest onn saja la vetta da la naiv instabila, causa la pauca naiv dal december, las fradaglias ed il ferm vent. Suenter la naiv frestga dals ultims dis dettia quai glieud che tschertgia il «kick» e giaja en in grond privel e ristg cun bandunar las pistas marcadas. Tar intginas costas saja la probabladad da rivar giu salv sco tar il roulet russ, tar 50%, di Linard Godly. El e ses team fan il pussaivel per segirar las pistas dal territori da skis e la speranza ch'i na capita insatge saja adina gronda.

charta cun privel da lavinas actual, per gronda part considerabel, stgalim 3 da 5
Legenda: Il privel da lavinas actual, per gronda part considerabel, stgalim 3 da 5 – stan gievgia, ils 10-02-2022 a las 17:00. slf.ch

RTR actualitad 17:00

Artitgels legids il pli savens

Scrollar a sanestra Scrollar a dretga