Engiadina - Pro Natura cumbatta vinavant il project lej dals chöds
La strategia 2030 da la Engiadina San Murezzan Mountains SA prevesa da persequitar vinavant il project lej dals chöds. Quest prevesia ch'ina pendiculara colliass las regiuns da skis Corviglia/Corvatsch. La Pro Natura è betg intgantada da quest fatg, tegna al mument dentant il sang fraid.
Il project lej dals chöds vala numnadamain era sco betg realisabel tenor la cumissiun federala per la protecziun da la natira e da la patria. La sutgera tuccas memia fitg il territori protegì che vala sco in dals pli bels da la Svizra. Ina pendiculara cuntrafas a la lescha, di Anita Wyss da la Pro Natura Grischun.
Il dossier ha tar els perquai betg prioritad. Els èn persvas d'avair en maun fitg buns arguments encunter il project. Sche necessari faschess la Pro Natura pass giuridics.
