Probabel dal Trentin - Chattà fastizs d'in urs en Engiadina Bassa

Al cunfin da l'Engiadina Bassa e l'Italia han ins chattà fastizs d'in urs. Quai na saja dentant nagut extraordinari, ha ditg Adrian Arquint, il manader da l'Uffizi da chatscha e pestga al schurnal regiunal da SRF. Uss saja il temp ch'ils urs sajan da viadi. L'uffizi va da quai anora, ch'i saja in urs dal Trentin, exact na possian ins dentant betg dir quai. Ils possessurs d'animals en la regiun èn vegnids infurmads.