Siglir tar il cuntegn
Inhalt

Engiadina Procedura da recurs sistida

Il cussegl cirquital aveva approvà la fin dal 2017 il plan per la midada dal ospital cirquital en la fundaziun «Provediment da la sanadad da l'Engiadin'Ota». Cunter ils statuts aveva inoltrà la suprastanza communala da San Murezzan in recurs – quel recurs è ussa vegnì sistì enfin ils 31.01.2019.

L'Ospidal Engadin'Ota.
Legenda: La procedura da recurs cunter la fundaziun da provediment da la sanadad d'Engiadin'Ota è vegnida sistida. mad

Il 14 da december 2017 ha il cussegl cirquital d'Engiadin'Ota approvà il plan per la midada da l'ospital cirquital en ina fundaziun dal provediment da la sanadad. Cunter quels statuts novs han la suprastanza communala da San Murezzan e differentas persunas privatas inoltrà il schaner 2018 in recurs tar la Dretgira administrativa dal Chantun Grischun.

Motiv per il recurs

Ils statuts èn vegnids midads en differents puncts – suenter la votaziun dal pievel – e quels puncts n'adempleschian betg la voluntad dal pievel. Ultra da quai blesseschian quels statuts la separaziun da las pussanzas e l'autonomia da mintga vischnanca.

La dretgira ha involvì tut las vischnancas da l'Engiadin'Ota en la procedura.

Correctura necessaria

Il cussegl da la nova fundaziun «Provediment per la sanadad d'Engiadin'Ota» examinescha ussa ina adattaziun dals statuts. Sche quella lavur maina ad in resultat, uschia che tuts èn satisfatgs, lura è ina sentenzia giudiziala betg pli necessaria.

Cun il consentiment da tut las partidas è la procedura da recurs uschia vegnida sistida enfin ils 31 da schaner 2019.

TR Telesguard 17:40