Siglir tar il cuntegn

Header

audio
Profil cun Andri Meyer da Bever
Or da Profil dals 08.02.2020.
laschar ir. Durada: 57:35 minutas.
cuntegn

Profil cun Andri Meyer «Cun esser amiaivel rivas enavant il meglier en la vita»

Il dun dad esser adina amiaivel cun ils giasts ha er gidà l’um da 27 onns cura ch’el ha savì realisar in grond siemi. Numnadamain dad ir a lavurar sin in grond bastiment. Durant in onn ha Andri Meyer lavurà sco «butler» sin ina cruschera, e las grondas entradas na consistivan betg da la paja mintga mais, mabain dal bunamaun ch’el survegniva dals giasts bainstants.

Traumschiff è propi in siemi, in che vegn mussà a l’aspectatur. En vardad è tut auter!
Autur: Andri Meyercuschinunz e hotelier da Madulain

Staziun ha il cuschinunz ed hotelier fatg gia en differents hotels da 4 e 5 stailas plus. Suenter sia aventura sin la mar, è l’um sportiv sa platgà puspè en Engiadina. Là lavura el oz sco manader da gestiun d’in restaurant a Schlarigna. Suenter in onn e mez al medem lieu, piztgia ad Andri Meyer dentant puspè sut la detta per ir e partir.

Um che ria sper giattins da colur
Legenda: Andri Meyer en ses lieu dal lavur a Schlarigna. RTR, Anna Caprez

En il Profil raquinta il gastronom passiunà, pertge ch’el ha emprendì fitg baud dad ir cun velo e pertge ch’el abita actualmain cun ses geniturs sut in tetg en ina sort «WG».

RTR Profil 09:00

Artitgels legids il pli savens

Scrollar a sanestra Scrollar a dretga