Siglir tar il cuntegn

Header

Navigaziun

Visualisaziun Hotel Flaz a Puntraschigna.
Legenda: Visualisaziun Hotel Flaz a Puntraschigna. MAD
cuntegn

Engiadina Project «Al Flaz» in pass enavant

L'iniziativa che vul impedir l'Hotel Flaz a Puntraschigna n'è betg valaivla. Quai ha decis il Tribunal federal.

Il Tribunal federal ha refusà il plant dals iniziants ed ha uschia confermà la sentenzia da la Dretgira administrativa dal Grischun e sustegna er l'avis da la suprastanza da Puntraschigna.

Il president communal beneventa la decisiun

Ils iniziants crititgeschan ch'il project da 20 milliuns francs saja memia grond e na giaja betg a prà cun il purtret dal vitg. L'iniziativa era vegnida suttascritta da 400 persunas il 2017.

Plirs recurs anc pendents

Oriundamain eri previs da cumenzar las lavurs da construcziun la primavaira da quest onn. Planisà èsi da construir in hotel cun radund 200 letgs ed in restaurant. Quai sin l'areal «Sportpavillon». Dentant èn anc ulteriurs recurs cunter la procedura per la permissiun da construcziun pendents tar la Dretgira administrativa dal Grischun.

RR novitads 09:00