Optimar economicamain - quai vul dir, dimensiunar ils custs da realisaziun per augmentar la rentabilitad da l’hotel. Entant custass il project passa 20 milliuns francs. In plan da fatschenta definitiv na stettia dentant anc betg, uschè Wieser.
Cun quai è era avert co l’hotel vegniss finanzià. Il terren sa chatta dentant en ina zona d’hotels che tutga als burgais. Quests metessan a disposiziun il terren en dretg da construcziun. Las tractativas concretas duain suandar en il decurs da questa stad.
Planisà è in hotel cun radund 200 letgs, pensà surtut per persunas giuvnas. Stanzas standardisadas per 100 francs la notg. Ed in'ustaria publica.