Siglir tar il cuntegn

Header

cuntegn

Engiadina Project da pilot pestgar sin glatsch entschaiva ils 20 da schaner

Dapi quatter onns exista l’idea da la societad da pestgaders Lai da Segl d'empruvar da pestgar sin il lai schelà. Uss ha ella ensemen cun il chantun sviluppà in concept detaglià per il project da pilot. Finamira principala duai esser da minimar la populaziun dal Namaycush en il lai da Segl.

Dals 20 da schaner fin ils 20 da mars pon ins l'enviern che vegn pestgar sin il glatsch dal lai da Segl. Quai na vala dentant betg uschè absolut. I dat cleras restricziuns.

Tgi, cura, nua.

Durant quels dus mais vegnan definids mo 20 dis nua ch'ins dastga ir a pestgar

  • maximalmain 30 pestgaders al di
  • en ina da las 5 zonas definidas
  • mintga di in'autra zona
  • da la damaun a las 08:00 fin il suentermezdi a las 16:00

audio
Bunura: Pestgar en il glatsch dal lai da Segl
ord Actualitad dals 18.04.2016.
laschar ir. Durada: 4 minutas.

Ina zona è radund 100 sin 300 meters gronda. En questa zona dastga in pestgader sa muventar libramain ed era far duas foras en il glatsch.

Evaluaziun e decisiun schebain project ha in futur

Suenter dus onns vegn fatg bilantscha. Las finamiras principalas duain lura per gronda part esser cuntanschidas. Surtut la finamira principala, che 90% dals peschs tratgs ord l’aua ston esser Namaycush.

Artitgels legids il pli savens