Siglir tar il cuntegn

Header

Navigaziun

Legenda: Guardar il video Mirs che uneschan empè da spartir. Durada 02:44 minutas.
Or da Telesguard dals 13.06.2019.
cuntegn

Project intercultural Mirs che uneschan empè da spartir

En Val Müstair vegn construì quest'emna in mir. El na vegn betg construì per separar la Val dal mund – na, il mir ha la finamira d'unir gruppas da pajais ch'èn en conflict in cun l'auter.

Durant l’emna da project «Building Walls – Breaking Walls» construeschan giuvens da differentas religiuns e culturas in mir che duai colliar. Qua sa participeschan Palestinais ed Israelians sco er Irlandais e Nordirlandais:

Ina gruppa da giuvens da la Svizra, l'Irlanda e l'Irlanda dal Nord, l'Israel e la Palestina sa participeschan quest'emna al project «Building Walls – Breaking Walls» a Tschierv. Sper far ensemen mirs lavuran, cuschinan, mangian e discutan ils participants durant quest'emna ensemen ed emprendan d'enconuscher uschia betg be in l'auter ma er autras linguas e culturas.

Dapi nov onns organisescha la societad svizra «Naturkultur» las emnas da project en ils differents pajais. Quest'emna è l'eveniment per l'emprima giada en la regiun rumantscha.

Cun lur workshops vulan ils organisaturs stgaffir schientscha da tut las varts – vers la populaziun, ma er tranter las culturas, las persunas e religiuns.

RR actualitad 11:00