Siglir tar il cuntegn
cuntegn

Engiadina Project La Sassa – proxim pass da realisaziun

Suenter che la dumonda da bajegiar per il ressort da vacanzas è vegnì inoltrà duai uss era vegnir inoltrà la dumonda da construcziun per la pendiculara.

RG implants da sport Val Müstair SA
Legenda: RG implants da sport Val Müstair SA RTR, Roman Dobler

Dapi passa trais onns e mez lavuran ins en Val Müstair vi da la realisaziun dal ressort da vacanzas La Sassa a Tschierv. Il ressort duai vegnir construì sisum Tschierv. Dal prà Chalchera nua ch'ils edifizis vegnan a vegnir construids duaja ina pendiculara manar ils giasts en la regiun da skis Minschuns. Suenter che la dumonda da bajegiar per il ressort è vegnida inoltrada è ussa era pronta la dumonda da bajegiar per la pendiculara.

Nagin ressort da vacanzas senza pendiculara

Quai è la cundiziun dal patrun da construcziun, la Domenig Immobilien a Cuira. Perquai èsi d'impurtanza essenziala ch'ils implants da sport Val Müstair SA survegnan il permiss da bajegiar per la pendiculara e possian cumenzar cun la construcziun da quella.

Recurs impedeschan andament speditiv

La finamira dals promoturs dal project La Sassa, cun la construcziun da la pendiculara e la ennavaziun da la pista fin giu la val, è da cumenzar a bajegiar durant l’onn proxim. Da Nadal 2019 duaja la pendiculara nova girar da Tschierv fin a Minschuns.

RR actualitad 08:00