Las minieras en Svizra èn passa 700 onns veglias. En quellas vegniva chavà argient u fier. La Regiun Engiadina Bassa Val Müstair vul ussa promover turisticamain quellas e chattar ina collavuraziun cun las minieras en vischinanza da Milaun en la Valsassina.
-
Bild 1 von 2. A S-charl vegniva stgavà argient. Bildquelle: Regiun EBVM.
-
Bild 2 von 2. Passa 13 kilometers a S-charl èn gia cartografads e mesirads. Bildquelle: Regiun EBVM.
Previs èn differentas mesiras da collavuraziun. D'ina vart è l'idea da scolar las guidas per far en l'avegnir turs tras ils sistems sutterrans, da l'autra vart vul'ins er realisar in film tridimensiunal per persunas che na pon betg ir en las minieras. Impurtant saja er dad elevurar in concept da segirtad per ir en las profunditads da la muntogna.
I na dat nagin standard co sa cuntegnair en las minieras, in concept da segirezza è previs d'elavurar ensemen.
Sper dumondas da segirezza e scolaziun da guidas è previs da realisar in concept per promover meglier turisticamain las minieras in Svizra ed en l'Italia.
La Valsassina è congualabla cun l’Engiadina, turisticamain ed era areguard plazzas da lavur han els ils medems problems.
Il project vegn a custar radund 200’000 francs per la part Svizra. Il project sez ins prevesa da realisar ils proxims tras onns.