La regenza grischuna ha approvà formalmain la planisaziun locala che la radunanza communala da Schlarigna aveva gia deliberà il december 2020. Cunquai èn dadas las premissas or da vista dal svilup da territori per realisar ina zona d'industria en il territori «Pros d'Islas».
Schlarigna n'haja quasi naginas zonas per la mastergnanza locala, argumentescha la regenza grischuna. Cun la nova zona d'industria saja pussaivel che mastergnants possian expander lur manaschis ubain che la vischnanca possia attrair novas interpresas.