Siglir tar il cuntegn

Header

Sur Puntraschigna duain lavinas pudair vegnir siglientadas en l'avegnir artifizialmain cun tschintg pitgas fixas.
Legenda: Sur Puntraschigna duain lavinas pudair vegnir siglientadas en l'avegnir artifizialmain cun tschintg pitgas fixas. MAD
cuntegn

Protecziun da lavinas Contribuziuns per projects a Puntraschigna e Valsot

Sur Puntraschigna duain lavinas pudair vegnir siglientadas en l'avegnir artifizialmain cun tschintg pitgas fixas. Fin ussa capitava quai or da l'helicopter u er cun agid da bittaminas. La regenza ha approvà il project «Sieglientada da lavinas Muragls-Choma» e deliberà ina contribuziun chantunala da maximalmain 682'500 francs. Il project vegn realisà en duas etappas e duai vegnir terminà il 2022.

Extender rempar da lavinas Mingèr – Martina a Valsot

Il rempar da lavinas Mingèr – Martina a Valsot po vegnir extendì. Er quest project ha la regenza approvà e deliberà ina contribuziun chantunala da maximalmain 1,1 milliuns francs. Tranter auter èsi previs d'installar chavalluts da trais chommas ed emplantar passa 500 bostgs giuvens sco cumplettaziun da la regiuvinaziun natirala. Plinavant vul ins montar raits cunter crudada da crappa sco er paralavinas da lain e d'atschal.

Il rempar da lavinas Mingèr – Martina a Valsot po vegnir extendì.
Legenda: Il rempar da lavinas Mingèr – Martina a Valsot po vegnir extendì. MAD

Ord l'archiv

video
Las nodas dal passà – las lavinas da 1951
Or da Cuntrasts dals 24.01.2021.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga