Siglir tar il cuntegn

Header

Lai da Segl cun vista sin il Piz da la Margna.
Legenda: Lai da Segl cun vista sin il Piz da la Margna. Keystone
cuntegn

Protecziun da natira 75 onns Pro Lej da Segl

Il 1944 è vegnida fundada la Pro Lej da Segl. La finamira da quella: far ina fin a las discussiuns davart la utilisaziun da las forzas d'aua dal lai. Oz s'engascha la cuminanza cunzunt per la protecziun da la cuntrada dals lais en Engiadin'Ota.

Dapi la fundaziun avant 75 onns hai dà midadas. Ils onns 1990 èn las organisaziuns da protecziun Pro Surlej e Pro Grevas Alvas vegnidas integradas en la Pro Laj Segl. Oz tutga l'entir perimeter da la Pro Lej da Segl en l'inventar federal da las cuntradas e dals monuments natirals d'impurtanza naziunala.

Lavur na manca betg

La finamira centrala è restada la medema, suttastritga il president da la Pro Lej da Segl, Jost Falett. Dentant vegnian adina puspè tiers novs projects ed ideas che la cuminanza ha da valitar. Uschia ultimamain davart ina colliaziun segira tranter Segl e Malögia u er tar tematicas sco il plan da realisar ina cursa da Formula E sin il Lai da San Murezzan.

Festivitads da giubileum

Personen-Box aufklappenPersonen-Box zuklappen

Ses giubileum da 75 onns festivescha la Pro Lej Segl ils 23 da november cun ina dieta en il Rondo a Puntraschigna. Il program è vegnì elavurà ensemen cun l'institut per la perscrutaziun da la cultura grischuna. La dumonda centrala: «Co enavant, suenter ch'ils contracts da 99 onns cun las vischnancas dals lais scodan?».

I dat er ina vernissascha publica "Seelandschaft ... Landschaft sehen. Von der Bedrohung der Oberengadiner Seelandschaft zur nationalen Raumplanung» è averta ils 19.11.2019 a las 18:30.

RR actualitad 12:00