La separaziun da l’Ospital regiunal d’Engiadin’Ota ed il CEO capitia suenter ina collavuraziun da trais onns en enclegientscha vicendaivla.
Motiv per la separaziun sajan surtut stadas las opiniuns differentas davart il svilup strategic ed organisatoric. Anc quest mais duai la direcziun da la Fundaziun provediment da sanadad Engiadin’Ota (SGO) vegnir surdada a Christoph Jäggi. El surpiglia la direcziun ad interim.
Sco che la Fundaziun scriva en sia communicaziun, posseda Christoph Jäggi ina vasta experientscha da manar en pliras instituziuns da sanadad ed ospitals.